S Moppelchen, d Blondine und s Wuerstli sind zeme in España...
si hend extra en chliine reisebricht gmacht:
1.DAG 25.4.07 Mittwuch
Mir sind wider erwarte ned in Finnland sondern in Alicante glandet=) Au s Gepaeck hets ueberlebt^^ Nach enere interessante Taxifahrt mit "viil" Kommunikation hend mir euses Englisch imene Restaurant chli ufbesseret*froi*. Witer isches gange zum Spielplatz und det sind mir au no atscharlart worde vo e paar kuule iheimische^^ Zrugg im huus, nach e paar zwueschefall mitem hahne sind mir zum gmuetliche quatsche uebergange *grins*...
meh chunt denn spoeter no... d ziit im internetkafi lauft ab^^
2.DAG 26.4.07 Donnerstag
Nacheme gmüetliche Zmorge hend mir d Anett Schwarz bsuecht und paar Infos gholt. Nachher sind mir wiiter an Märt ide nöchi (Gran Alacant) und hend tolli sache kauft. Zrugg bim huus hend mir eus parat gmacht uf e langi Wanderig zum Strand bi Arenales del sol. Sonderbarerwiis sind all Strasse leer gsi wil siesta gsi isch. Also hend mirs an Srrang ghängt und d Sunne gnosse. Dihei hend mir eus under de Duschi vom Sand befreit und feini Spaghetti zum Znacht gmacht. S Quatschstündli wärend em DVD iilese het sich denn zunere lustige Charteschriibakrion entwicklet^^ Die arme Empfänger...!
Anmerkung: Villicht ischs ja am stylische Ghettoblaster glege (bim abelaufe...), dass de Chartetext so chaotiscfhz worde isch... aso ich mein... so hammer... ider villicht ischs ja eher vom zvile loading luege cho...
3.DAG 27.4.07 Freitag
De Tag (sorry: Dag) het demit agfange, dass mir fast verpennt hend... ja... das chunt devo, wenn d MNGler de Weckruef vom Natel ja sooo richtig istelle chönd*... Nacheme Zmorge mit Spiegeleier sind mir denn uf de Bus nach Alicante.Det het den au scho s Shoppingvergnüege aagfange. Leider hets immer fester grägnet, so dass mir irgendwenn es deckts Restaurant ufgsuecht hend. D Paella isch super gsi**. Nachher hets gheisse: Coiffeur sueche. Nach aafängliche (aso eigentlich: immerige) Verständigungsproblem hend denn aber aldd die gwünscht Frisur gha. So sind mir denn grad perfekt parat gsi zum eus vom Xavier, em kule Typi us Paris, karikaturiere z lah. Vorher aber hemmer na erfahre, dass Nussglace muy mejor isch wie Minzglace=). Denn hemmer na chli Siesta gmacht am Hafe, Charte gchauft & gschribe und de Busbahnhof gsuecht, bevors hei gange isch zum Herdöpfelsalat.
*Blondine halt^^
** Denn sind mir bi de Märthalle verbi cho, wos kuli Frücht, kuli Lüüt und grusigi Hase gha het
4.DAG 28.4.07 Samstag
Sooo sooo... Hüt het alles aagfange miteme chräftige Zmorge. Under anderem Früchtebrötli mit Ananas. Naja Butter, Brot und Ananas. Will mers zlang e chli zgmüetlich gni hend, hemmer den hald zum Buss tschogge müesse... alles isch voll ufgange... mir hend de Bus verwütscht. Denn simmer wird emal ufem märt umegstrielet. Vo Rüebli bis zu junge Hünd het mer dete alles chöne chaufe. S "coche loco" het ezus bsunders fasziniert. Au nach ere ganze mängi Frücht und Gmües hemmer enere warme Tortilla am Strand ned chöne widrstah. Dur en Zuefall hemmer gmerkt, dass de einzig Bus ide nechste zwei Stund i zeh minute fahrt... drum isch denn i wahrem schwiizertempo quer dur de märt zur station gange. Denn hemmer s Fiesta-Öffnigsziite-Schild mit Liddl-Öffnigsziite-Schild verwechslet. D Fiesta wo mer extra defür usgstige sind isch ja scho soo "offe" gsi... denn simmer halt in Liddl ga Sangria und na meh chaufe. Mit beladene Arme und alles mögliche singend hemmer de drü-kilometer-marsch uf eus gni. A däm tag isches äntlich mal so richtig schöns wetter gsi... und was mached Touriste im Süde denn so? So gönd natürlich go sünnele! Nach viiil überwindig hend mir e unnötigi Abchüeligsaktion (Pool) duregfüert. De schwiizer Sound us de 3-Euro-Böxli het eusi heimatsgfühl gweckt=) Wenn me so vil Guetsli&Schoggi isst wie mit isches natürli guet, wenn mer sich mal "sportlich" betätigt. Drum sind mir go tennis spile. All hend e chli e eieti (^^) Technik gha... So super wie de Roschee Fäderer simmer zwar nonig, aber Publikum hemmer scho (wie mir zu dem cho sind isch e anderi gschicht). Dank nette Nachbare, wo eus Mehl hend chöne "uslehne", heds zu Riis und Kefe sogar es würzigs sösseli ge. Während und nach em Drinkmixe hemmer s Gaudi gha bi CD's, Schachspile und Schoggi. So am halb 12i sind mir denn zum zweite mal scho am 10i is bett... Ingrid: "Hey chönder nomal s Liecht astelle, ich find mini Üle ned" *grins*
5.DAG 29.4.07 Sonntag
Dasmal hets zum Zmorge Milchriis geh... abwechslig muen si=)... de hend de vorteil gha, das mir en so schnell gässe hend, dass mir mal nöd hend müesse hetze uf de Bus. Mit dem simmer denn uf Santa Pola gange. Als erstes het euse Weg natürlich zum Fuessballstadion gfüert, wo mir entdeckt hend, das d Fraue nume halb so vil Itritt zahled wie d Männer... soo isch doch guet...*smile* im Moment isch aber na z früe gsi für de MAtch. Drum hemmer aagfange de Briefchaste sueche und sind debii au na e bitz is shoppe cho... Fraue halt^^ Nachmer hend mir en sehr lustige Match gluegt... riise isatz vo de Spiler (sehr super!) und Zueschauer, wo sich all kennt und so halbe mitgredt hend. I de Pause sind denn alli chliine Chind uf de Platz ga spile... LEider hemmer na vor em 2. Goal für Santa Pola müesse gah, demit mir uf de Bus chömed, wo am Suntig all 3h fahrt und 10 min verspötig gha het. Dihei simmer denn chlillig an strang ga hönge, wos aber doch ned esoo chillich gsi isch, wils teilwis mit Wulche und Wind bitzli chüel gsi isch... De Wäd isch spannend gsi, wil mir bim Hiiweg dur Lehmpfütze und bim Rückweg dur Büsch glofe sind (die einte mit Flip-Flops^^)... Safariferie halt *froi*... So am halb sechsi oder so sind mir wider dobe gsi und hend d teigware für de znacht gchocht, Schach gspilt und glese. Denn isch (z Fuess) ad Big Party gange, wo au nöd soo vil meh gloffe isch wie am vorher... drum simmer chli ide Gegend umegschlenderet und hends schliesslich in en Club ab 18 (s Mandala)... det ine (und vor em Club usse) hets denn gmüetlichi plauderstündli geh. Nach Buñuelos (so frittierts zügs wo mir zerst für Öpfelring ghalte hend) und Zuckerwatte hemmer denn e Heiweg under d Füess ghah.. und wiiter plauderet natürlich...
6.DAG 30.4.07 Montag
S Motto vom hütige Morge het usschlafe gheisse. Bi de Ingrid isch das zwar ned so lang gsi (öppe 9i und mer muen bedenke dass mir erst nach em 1 is bett sind..) Aber die andere zwei hends voll usgnützt. Während si no gschlafe hend isch d Ingrid in pool go plantsche* und het mit de Pflichtlektüre agfange. Gäg die 11i het sich denn d Rahel und nachane au d Conniedere Aktion agschlosse. Irgendwenn hendaber trotzdem eusi mäge aafa knurre und mir hend eus an Zmittag gmacht. S hät Härdöpfelstock mit de ufgwärmte Sosse und Kokos-Ananas-Salat(de grüen)-Salat gä *mjam* agfärbt isch er mit Paella gwürz worde. Mit läse und Schach isch denn au wiiter gange bi mir uf de bus sind. De eigentlichi zwäck vo eusere fahrt uf alicante wär s besichtige vo de Burg Santa Barbara gsi. Nach mehrachem umefröge und ewigem hin-und herlatsche het sichs aber usegstellt, dass de lift gar ned lauft. Zum ufelaufe simmer natürlich u fuul gsi. Drum sind mir frisch fröhlich ide erst best Alk-lafe marschiert und sind mit härzige chline Tequilafläschli wider usecho.(Mir hends vorallem weg de Verpackig und ned wegem inhalt kauft!!) Mir hend aso scho gmerkt, dass uswis und kontrolle da in Spanie schnurz sind. Au d Märthalle isch a dem rag gschlosse gsi und mir hend eusi ichäuf halt im "Corte Ingles" tätiget.Mit zää liter wasser und na ganz vil anderem belade simmer denn go shoppe. De favorisierti lade (e mischig us H&M, Big, Claires, Six und Box^^) het sogar es bequems schuebänkli, wo mir eus dann mal hend chöne entspanne. Vomene chliine Meitli simmer aquatscht worde. "Como te llamas?", het si eus mit grosse auge gfrögt und mit irem riisige plastik schwärt dezue umegfuchtlet. Nach dere spannende Unterhaltig simmer heizue gfahre. Im Bus hets eus regelrächt duregschütlet. Mir sind schier bis ad decki uegfloge. Wo eus en thunfischverchäufer uf tüütsch isch cho go begrüesse und usfröge, isch eusi zweiti Identität entstande. Zum Znacht hets feini fisch ge mit riis und salat. Denn sind mir go schlafe. Aber a schlaf isch ned z dänke gsi, wils gstürmt het. D Connie und d Rahel sind vor angst fast gstorbe... während die muetigi, heldehafti, furchtiflössendi Ingrid go luege isch, ob echt irgendwo no e tür offe isch oder en mörder im huus isch. Nach mehrmaligem kontrolliere isches denn endlich e bitzli besser worde. Aber nur e bitzli...E seeehr langi ziit spöter, nach vil ablenkig und wanhvorstellige isch die muetigi, heldehafti und furchtiflössendi Ingrid d Tennisschläger go hole als Waffe... No vil spöter sind mir denn endlich am schlafe gsi (nach no e paar rosarote/goldige Guetnachtgschichtli vo de Rahel) *smile*
*nei! ernstlich schwümme!
7.DAG 1.5.07 Dienstag
Au hüt hets no einisch usschlafe gheisse. Nach lustvollem Drinkmixe bin Zmorge sind mir is Internetkafi und hend eusi soziale Kontäkt ufrecht erhalte^^ Und em marc hend mir grad bi glägeheit für sini charte us züri danket. Denn simmer wider hei und hend Burritos gmacht. Di nächt Aktivität isch denn gsi vo vorne bis hinde alli Lieder im Gitarrelernbuech wo me kenned uf de Blockflöte und eme Möchtegern-Teil z spile und denn vo hinde bis vorne no all z singe... teilwies au die wo mir ned kenned. Und au die wo ned zur saison passed... nebesach! Denn hemmer de Strand ufgsuechet. Wil all agmässeni Schueh agha hend dasmal und mir sogar de richtig wäg igschlage hend, simmer au ohni Zwüschefäll det aacho. Nach e re rundi sünnele und agwindet wärde, hed denn s meer glockt. D Rahel und d Ingrid sind also es ziitli ga bade und im seichte wasser ga umeseckle. Soo vil sport hed denn grad d Bikinifigur so verbesseret, dass mir eus grad e tafle schoggi gönnt hend...^^ usserd euses moppelchen, wo ussert missglückte handständ nüt gleistet het und doch immer bi allem ässe debi gsi isch. Als nächsts hend mir inere Windgschützte Sandgruebe gnauere betrachtige über Tic Tac Toe agstellt...
8.DAG 2.5.07 Mittwoch
9.DAG 3.5.07 Donnerstag
10.DAG 4.5.07 Freitag
soon coming:
TENNA ITALY *muy italiano*